- Azərbaycan  İnformasiya və Cəmiyyət Ictımaı  Bırlıyının(və ya Assosiasiyasının)  əsas məqsədi  Azərbaycanda cəmiyyətin, iqtisadiyyatın, elmin, təhsilin, mədəniyyətin, səhiyyənin, ətraf mühitin  bütün sahələrində və proseslərində, dövlət və özəl qurumların, bələdiyyələrin, qeyri hökumət təşkilatlarının fəaliyyətində  İnformasiya-Kommunikasiya  Texnologiyalarından (İKT)  maksimum istifadəyə nail olmaq, İKT bazarında sağlam rəqabətə şərait yaratmaq, biliklərə və İKT-yə əsaslanan iqtisadiyyatı, ümumilikdə intellektual potensialı inkişaf etdirmək, Açıq, Vətəndaş, Bilik və İnformasiya Cəmiyyətinin (İC) formalaşmasını sürətləndirmək, insanların müxtəlif tipli və xarakterli informasiyaya olan tələbatını dolğun ödəmək hüquqlarını qorumaq, demokratik, hüquqi, dünyəvi dövlət quruculuğu proseslərində iştirak etmək, həmçinin Azərbaycan  Respublikasında İKT-ın inkişafı üzrə Milli Strategiyanın, Azərbaycan  Respublikasında  Rabitə və İnformasiya Texnologiyalarının inkişafı üzrə Dövlət Proqramının - «Elektron Azərbaycan»ın, İnformasiya Cəmiyyəti məsələləri üzrə Dünya Sammitinin və müvafiq Beynəlxalq təşkilatların respublikaya aid edilə biləcək qərarlarının yerinə yetirilməsi ilə bağlı fəaliyyət göstərmək və müvafiq işləri həyata keçirməkdir.

 - Aydın olur ki, Birlik daha çox informasiyalaşma və İnformasiya Cəmiyyəti  məsələləri ilə məşğul olmaq niyyətindədir. Elə isə nə üçün  Birlik birbaşa İnformasiya Cəmiyyəti və ya informasiyalaşma problemlıri kimi adlandırılmayıb?

- Əslində ”İnformasiya və  Cəmiyyət”  ifadəsi həm İnformasiya Cəmiyyəti və informasiyalaşma  məsələlərini, həm də ayrılıqda olaraq “İnformasiya“ ilə, eləcə də “Cəmiyyət”lə bağlı problemləri əks etdirə bildiyindəndir ki, Birlik də məhz belə adlandırılmışdır.

-Assosiasiya  İnformasiya Cəmiyyətinin formalaşması ilə bağlı hansı vəzifələri həyata keçirməyi nəzərdə tutur?     

   - Assosiasiya,  Qlobal İnformasiya Cəmiyyətinin (İC) tərkib hissəsinə çevrilmək üçün respublikada İnformasiya Cəmiyyətinin formalaşmasına təsir edən problemləri, amilləri araşdırmağı, onların həllinə cəhd etməyi, mövcud rəqəmsal fərqliliyin azaldılması üçün tədbirlərin görülməsinə nail olmağı, İnformasiya Cəmiyyətinin  iqtisadi, siyasi, tarixi, sosial, psixoloji, hüquqi, texniki, texnoloji əsaslarını tədqiq etməyi, müvafiq tövsiyyələr işləməyi, normativ-hüquqi bazanı təkmilləşdirməyi planlaşdırır. Bu istiqamətlərdə qabaqcıl xarici ölkələrin təcrübəsini öyrənməyi, respublikada uyğun monitorinqlər, təhlillər aparmağı, sorğular keçirməyi, treninqlər təşkil etməyi, proqnozlar verməyi, layihələrin həyata keçirilməsində iştirak etməyi nəzərdə tutur.

-Birlik informasiya infrastrukturunun formalaşması ilə bağlı hansı işləri görməyi planlaşdırır?-

Birlik,  ölkədə səmərəli informasiya infrastrukturunun formalaşmasına, onun dünyaya inteqrasiya olunmasına, müxtəlif xarakterli elektron informasiya resurslarının yaradılmasına, İnternet xidmətləri provayderlərinin fəaliyyətinin yaxşılaşdırılmasına, rabitə və informasiya texnologiyaları (RİT) üzrə xidmət tariflərinin ucuzlaşmasına, müvafiq sahə bazarının genişlənməsinə, simsiz texnologiyaların inkişafına, RİT sahəsində özəlləşdirmə,  dövlətsizləşdirmə, medernləşmə proseslərinin və digər islahatların həyata keçirilməsinə, informasiyalaşmanın inkişafı ilə əlaqədar yaranan sosial problemlərin həllinə, maşın tərcümə sistemlərinin və digər sistem və tətbiqi proqram təminatlarının, mövcud kompüter şəbəkələrinin  respublikada inkişaf etdirilməsinə çalışacaqdır.  Ölkədə ən müasir İKT-in tətbiq və inkişaf etdirilməsi üçün elmi araşdırmalar aparacaq, müvafiq qurumlar üçün proqnozlar, təklif və tövsiyyələr işləyəcəkdir.

-Assosiasiya  informasiyalaşdırma ilə bağlı hansı  tədbirləri keçirməyi nəzərdə tutur?      

  - Birlik Cəmiyyətin elm, təhsil, mədəniyyət, səhiyyə, ekologiya, sosial, siyası, idarəetmə və s. kimi ictimai-siyasi, sosial-iqtisadi və humanitar sahələrinin inkişaf istiqamətlərini öyrənərək, həmin sahələrdə mütərəqqi islahatları dəstəkləyəcək və informasiyalaşdırmanın səviyyəsini yüksəltməyə çalışacaqdır. Birlik İnformasiyaya və İKT-yə əsaslanan fəaliyyət  sahələrinin daha da inkişaf etdirilməsinə, Elektron(E)-iqtisadiyyat, E-ticarət, İnternet-bankinq və s. kimi iqtisadi-informasiya texnologiyalarının tətbiq dairəsinin genişlənməsinə çalışacaqdır.  Elektron (E)-cəmiyyət, E-demokratiya, E-seçki, E-səhiyyə, E-ekologiya, E-mədəniyyət, E-elm, E-təhsil, E-hökumət, E-nazirlik, E-bələdiyyə, E-maliyyə, E-region, E-sosial, E-hüquq, E-kitab, E-kitabxana, E-arxiv, E-mədəni irs, teleiş, distant təhsil, E-sənəd dövriyyəsi, virtual səyahət-turizm, E-konsaltinq xidmətləri, virtual E-hüquq məsləhətxanası,  E-reklam, E-nəşr  və s. kimi ən müasir İKT və İnternet texnologiyalarının elmi-texniki tədqiqinə, tətbiqinə və inkişafına çalışacaqdır.

- Birlik ixtisaslı kadrların hazırlanması ilə bağlı nə düşünür?

- Birlik İnformasiya Cəmiyyətinin sosial əsası kimi yüksək səviyyəli ixtisaslı kadrların hazırlanması, onların sertifikasiyası üçün müvafiq işlər görməyi, şagirdlərə, tələbələrə, aspirantlara, elmi işçilərə, müəllimlərə metodiki köməklik etməyi nəzərdə tutmaqla  fasiləsiz təhsil konsepsiyasının reallaşmasına çalışacaq, təhsil sahəsindəki mütərəqqi islahatlarda, təhsil sektorunun inkişafı layihələrində, milli kurrikulumların hazırlanmasında iştirak edəcəkdir. Həmçinin insan inkişafı poblemlərinin həllinə kömək edəcəkdir. Eləcədə elmi-texniki işlərə, əsərlərə, dissertasiyalara, layihələrə, kitablara, məqalələrə ictimai rəy verəcək və ekspertiza edəcəkdir.

- Birlik informasiya ala bilməklə bağlı hansı işləri görməyi nəzərdə tutulur?  

 - Birlik İnformasiya Cəmiyyətinin mühüm tələbi kimi istənilən şəxsin, istənilən anda, istənilən yerdə, istənilən sahəyə aid informasiya ala bilmək və ondan istədiyi şəkildə istifadə edə bilmək imkanının reallaşdırılması üçün müvafiq işlər görməyi, təklif və tövsiyyələr hazırlamağı nəzərdə tutur. Bunun üçün əlverişli ictimai-siyasi və sosial mühitin yaradılmasına, insanların hüquqlarının qorunmasına və onlara hüquqi yardımlar edilməsinə, mövcud informasiyaları sistematik və dövri olaraq toplayan, təhlil edən statistik  qurumların fəailyyətlərinin daha da təkmilləşdirilməsinə, jurnalistikanın, media və KİV-in, söz azadlığının, elektron KİV-lərin inkişafına, kütləvi radio-televiziya verilişlərinin təşkilinə çalışacaqdır.                Ölkələr arasındakı qarşılıqlı informasiya mübadiləsi hesabına iqtisadi, sosial, mədəni, elmi, təhsil əlaqələrini inkişaf etdirməklə qloballaşma və inteqrasiya  proseslərinin sürətləndirilməsində iştirak edəcəkdir. Digər ölkələrdə Azərbaycan diasporunun formalaşmasına və onlarla hər cür əlaqənin inkişaf etdirilməsinə  çalışacaqdır.                Ölkənin tarixinə, mədəniyyətinə, etnoqrafiyasına, ədəbiyyatına, musiqisinə, ətraf mühitin qorunmasına, flora, faunasına, relyefinə, ekologiyasına  aid tarixi və müasir informasiyaları toplayaraq, tədqiq və təhlil edərək, İnternetdə yerləşdirəcəkdir. Müasir İKT və İnternet texnologiyaları  vasitəsilə respublika əleyhinə aparılan istənilən növ informasiya təbliğatına qarşı mübarizə aparacaqdır. Ölkənin ictimai-siyasi həyatında mühüm yer tutan Qarabağ münaqişəsi ilə əlaqədar dünya ictimaiyyətinə və təşkilatlarına əsl həqiqəti çatdıraraq, onları Azərbaycanın mövqeyi və istəkləri ilə məlumatlandıracaqdır. 

- Birlik idarəetmədə şəffaflıqla bağlı hansı işləri görməyi nəzərdə tutur?      

 - Birlik Dövlət və bələdiyə iarəetmə orqanlarının fəaliyyətinin şəffaflığına çalışacaq, korrupsiyaya və rüşvətxorluğa qarşı mubarizə aparılmiasında iştirak edəcəkdir. Regionlarda infrasturukturun, sahibkarlığın,  turizmin, təhsilin inkişafına kömək edəcəkdir. Dövlət və bələdiyə iarəetmə orqanlarının fəaliyyətində gender bərabərliyinə çalışacaqdır.                Ölkədə davamlı inkişafın təmini, sahibkarlıgın inkişaf etdirilməsi, investisiya qoyuluşunun həvəsləndirilməsi  proseslərində iştirak edəcəkdir. Vətəndaşların siyasi  və iqtisadi qərar qəbuletmə proseslərində fəal iştirakına çalışacaqdır.

- İKT sahəsinin iqtisadiyyatı və təşkiliylə bağlı hansı işlər nəzərdə tutulur?           

     -Birlik İKT sahəsinin iqtisadiyyatı, təşkili, idarə olunması və onun digər sahələrin inkişafına təsiri problemlərini tədqiq edərək, müvafiq təklif, tövsiyyə və proqnozlar işləyəcəkdir. İKT-in inkişafı üçün azad iqtisadi zonaların yaradılmasına və fəaliyyətinə çalışacaqdır. İKT üzrə mütəxəssislərin birgə təşəbbüs göstərmələrinə, onların rəy və təkliflərinin toplanılmasına, əlaqədar orqanlara çatdırılmasına və  yerinə yetirilməsinə nail olmağa çalışacaqdır.  

  -  Bəs Birlik nəzərdə tutulmuş vəzifələri həyata keçirmək üçün hansı növ fəaliyyətlərdən istifadə edəcəkdir?

Bu məqsədlə  Birlik:·    xarici dövlətlərdə fəaliyyət göstərən aidiyyətlı qeyri-hökumət təşkilatları ilə əlaqə quracaq və onlarla birgə layihələr həyata keçirəcəkdir;·    elmi araşdırmalar aparacaq, müxtəlif kurslar və seminarlar, dəyirmi masa və görüşlər, sərgilər təşkil edəcək, konfranslar, simpoziumlar, yarışlar, olimpiadalar, müsabiqələr, xeyriyyə marafonları, forumlar və sair tədbirlər keçirəcəkdir;·    öz fəaliyyəti və səlahiyyətləri çərçivəsində fəxri adlar, mükafatlar təsis edəcək və xüsusi fərqlənənlərə və xidməti olanlara verəcəkdir;        Məlum olduğu kimi, beynəlxalq səviyyədə 17 may günü "Ümumdünya İnformasiya Cəmiyyəti Günü" kimi təsdiq olunmuşdu. Bu qərardan irəli gələn bir sıra vəzifələri yerinə yetirmək,  həmçinin respublikada İC-in  formalaşdırılması  və inkişaf  etdirilməsinin  sürətləndirilməsi üçün  Birlik bütün maraqlanan təşkilatların dəstəyi və iştirakı ilə ilk dəfə olaraq respublikada "Milli İnformasiya Cəmiyyətinin İctimai Mükafatı"nı (diplom, döş nişanı, priz) təsis etməyi və onun təqdimetmə mərasimini hər il yüksək səviyyədə həyata keçirməyi planlaşdırır.
İlk dəfə təsis olunan bu mükafat nominantlara İnformasiya Cəmiyyətinin formalaşması, möhkəmlənməsi və inkişaf etməsi istiqamətində apardıqları uğurlu işlərə görə veriləcəkdir. Bu İctimai Mükafat əslində İKT-nin geniş imkanlarından bəhrələnərək milyonlarla insanın məqsədlərinə çatması yolunda öz yaradıcı potensialını və gücünü əsirgəməyən şəxslərə göstərilən etimad olacaqdır. Həmin şəxslərin nümunəviliyi bütün dünya insanlarını imkanlarını inkişaf etdirməyə, azad və təhlükəsiz İnformasiya Cəmiyyəti qurmağa ruhlandıracaqdır.İnformasiya cəmiyyətinin əsas məqsədi kimliyindən asılı olmayaraq hər bir şəxsə dünyada gedən qlobal dəyişmələrin tempini hiss etməyə imkan yaratmaqdır.  Milli İinformasiya Cəmiyyəti kompüter vasitələrinə, İKT-yə və informasiyaya daha geniş əlyetərliyi təmin etmək üzərində qurulmalıdır. İKT sahəsində geridə olan dövlətlərə dünya ictimaiyyəti maddi-mənəvi cəhətdən dəstək olmalıdır. İKT yoxsul insanların həyatını dəyişmək iqtidarındadır. Qlobal yoxsulluğu aradan qaldırmaq üçün yeni texnologiyaları həm də yoxsulların fəaliyyətinə tətbiq etmək vacibdir. İKT istehsalın tempini yüksəltməyə, iqtisadi artıma nail olmağa, insanların rifahını, yaşam göstəricilərini müsbət mənada dəyişdirməyə bilavasitə yardım edir. İnformasiya Cəmiyyətini qurmaq hamının zəruri öhdəliyidir. Dünyanın ən ucqar yerində, ən kasıb insan belə İKT-nin ona verə biləcəyi imkanlardan bəhrələnməlidir.Ümumiyyətcə Birlik informasiya, cəmiyyət, dövlət, elm, təhsil, innovasiya, mədəniyyət, ekologiya və iqtisadiyyatın qarşılıqlı əlaqəsinə, onların ayrı-ayrı problemlərinə aid müxtəlif xarakterli tədqiqatlar aparmağı, elmi, elmi-kütləvi, kütləvi, publisist, bədii, praktik, metodik, dərslik və s. tipli kitablar, monoqrafiyalar, broşuralar, məqalələr yazmağı, müvafiq radio və televiziya verlişləri təşkil etməyi, bu istiqamətdə nəşriyyat fəaliyyəti ilə məşğul olmağı, qəzet, jurnal və digər KİV ( o cümlədən elektron) yaratmağı və buraxmağı planlaşdırır. Həmçinin audio-video, telekonfransları, İnternet forumları, sorguları keçirəcək, konfranslar təşkil edəcəkdir.

- Birliyin strukturu haqqında nə demək olar?

- Birlik müxtəlif məsələlərlə bağlı  koordinasiya, ekspertiza və s. xarakterli işləri həyata keçirmək üçün  öz nəzdində elmi-texniki- metodiki şura, müvafiq bölmələr, şöbələr, filiallar  yaratmagı nəzərdə tutur. Xatırladaq ki, Birlik həmçinin öz nəzdində özünün mətbu orqanı kimi “İnformasiya  və Cəmiyyət” adlı jurnalını, qəzetini, ekspres-buraxılış məlumat vərəqini və nəşriyyatını  da yaratmagı nəzərdə tutur.

- Yeri gəlmişkən, kimlər  Birliyin üzvü ola bilər?

- Azərbaycan Respublikasında Birliyin Nizamnaməsini qəbul edərək, onun fəaliyyətində iştirak edən hər bir fiziki və hüquqi şəxs (dövlət hakimiyyəti və yerli özünüidarə orqanları istisna olmaqla) Birliyin üzvü ola bilər. Birlik özünün formalaşmasının müəyyən mərhələsində  fəxri Sədrini və fəxri Rəyasət Heyətinin üzvlərini seçə bilər. Birliyin sıravi üzvləri içərisindən onun daha fəal üzvləri  müəyyən səlahiyyətlərə malik olmaqla seçilə bilərlər. Onlar Birliyin fəaliyyətində çox fəal iştirak edərək, onun inkişafına kömək edir, müvafiq şəraitin yaradılmasına çalışır, tövsiyələr verirlər.

- Qarşıdakı  işlərinizdə  Sizə uğurlar  arzulayırıq! 

AZƏRBAYCAN  İNFORMASİYA və CƏMİYYƏTASSOSİASİYASININ Prezidenti, 

dosent Əlövsət Qaraca oğlu    Əliyev

ƏLAQƏ ÜÇÜN    Tel.    439-72-26476-00-00(0 50) 322-10-06

alovsat@iit.ab.az 

Ə.Q.Əliyev

AMEA  İnformasiya Texnologiyaları İnstitutunun   şöbə müdiri, dosent

Ə.Q.Hatəmizadə

AMEA  İnformasiya Texnologiyaları İnstitutunun dissertantı 

 depart8@iit.ab.az   

Sənaye inqilabından qabaq  ardıcıl şəkildə və bü günkü günün qaydaları əsasında ticarətlə məşğul olan şirkətlərin sayı olduqca az idi . Bu şirkətlər çox kiçik idi və əksər hallarda bir nəfər bütün idarəetmə işlərini öz öhdəsinə götürürdü . Qəbul olunan qərarlar şirkətin mövcud mənbələri və ümumi məqsədləri əsasında zehində formalaşırdı . Getdikcə bazarın tələbatı və şirkətlərin istehsal və fəaliyyəti artır və buna görə də fəaliyyət və əməliyyatların bir nəfər tərəfindən idarə olunması qeyri – mümkün olurdu. Bunun nəticəsində bir çox insanlar bu sahəyə cəlb olunurdular və müxtəlif ticarət fəaliyyəti fərdi fəaliyətin yerini tutudu . Nəticədə iri təşkilatlarda bir nəfər aparıcı rəhbər kimi nəzərdə tutulub və digər şəxslər də müxtəlif səviyyə və dərəcələrdə ona kömək göstərmək üçün nəzərdə tutulurdu . Bu əsasda müxtəlif fəaliyyət sahələri inkişaf edilib. Fəaliyyət sahələri genişlənidirilib və beləliklə işləri icra etmək üçün bir çox insanlara ehtiyac yaranıb.  Bunun nəticəsidir ki, dünyanın tanınmış şirkətləri  kompyuterlərə və kompyuter poqramlarına böyük həcmdə kapital qoyuluşunu həyata keçirirlər. Elektronika ,rabitə və kompüter sənaye sahələrinin inkişafı əsasında,informasiya texnologiyasının sürətli inkişafı təşkilatların fəaliyyətinə çox böyük təsir göstərmişdir . Bu dəyişiliklər eyni halda təşkilatların fəaliyyət mühitinin mürəkkəbləşməsinə səbəb olur . Buna görə də təşkilatların müxtəlif sahələri arasında yaxşı əlaqə yaratmaq və informasiyanın təmin edilməsini yüngülləşdirmək üçün lazımı sistemlərin yaradılmasına çox ehtiyac vardır . Bu sistemlər ( Enterprise Systems “ES”) adı ilə tanınır. Bu sistem imkan verir ki, müdirlər münasib məlumatlardan hər yerdə və hər zaman müxtəlif qərarların qəbulunda istifadə etsinlər.ERP (Enterprise Resource Planning) sistemləri 90–cı illərdə informasiya texnologiyasının inkişafının mühüm amili kimi qiymətləndirilə bilər. ERP sistemlərinə bü cür diqqət, bu sistemin bu günkü təşkilatların informasiya və ticarət sahələrinin inkişafındakı əhəmiyyətinin göstəricisidir . Təşkilatların indiki güclü rəqabət dünyasında rəqibləri, müştəriləri və şərikləri tərəfindən çoxsaylı problemləri və təzyiqləri şəraitində ERP sistemi faydalı bir sistem kimi və bu təzyiqlər qarşısında davamlı bir sistem kimi mühüm rol oynayır . İqtisadi sistemlərin idarə olunmasında yeni idarəetmə metodlarından və xüsusilə ERP  sistemindən istifadə edilməsi çox zəruridir. Hal hazırda  güclü rəqabət dünyasında təşkilatların öz rəqibləri, müştəriləri və şərikləri tərəfindən çoxsaylı problemləri  və təzyiqlərlə üzləşdikləri  şəraitində ERP sistemindən istifadə  faydalı bir vasitə  kimi bu təzyiqlər qarşısında davamlı bir sistem kimi mühüm rol oynayır . ERP sisteminin təşkilatların fəaliyyətində bu mühüm rolu ilə yanaşı yaddan çıxartmaq lazım deyildir ki, bu sistemdən düzgün istifadə olunmaması təşkilatın əsaslarının tam şəkildə aradan aparmasına səbəb ola bilər . ERP sistemi bir şirkətin bütün bölmələrinin fəaliyyətini bir kompyuter proqramı əsasında vahid bir sistemdə birləşdirir və hər bölmənin özünəməxsus tələbatına cavab verir.  Bu ortaya qoyulan böyük bir iddia hesab oluna bilər ki, bir komputer proqramı maliyyə sahəsində çalışanların və insan mənbələrinin tələbatını təmin etmiş olsun . Kompyuter sisteminin hər bir bölməsinin özünəməxsus fəaliyyət sahəsi vardır. Lakin ERP sistemi bu bölmələri vahid kompüter proqramında birləşdirir . Bu proqram ayrı-ayrı bölümlərin cəmləşdiyi bir baza tərəfindən icra olunur. Ona görə də müxtəlif bölümlər informasiyanı sadəliklə müştərək istifadəyə verə və bir-birilə əlaqə yarada bilərlər. Bu kompyuter proqramının şirkətlər tərəfindən düzgün şəkildə qurulacağı təqdirdə ondan istifadənin bir çox müsbət məziyyətləri vardır . Misal üçün müştəridən sifarişin qəbul edilməsi. Həqiqətən də müştəri sifarişi verdikdə bu sifariş kağız şəklində və ya kompyuterdə bir bölmədən digər bölməyə dövr edir. Bu dövr etmə müştəri sifarişlərinə vaxtında cavab verməyi ləngidir. Eyni halda şirkətin müxtəlif bölümlərində fəaliyyət göstərənlərin heç biri bilmir ki, bu sifarişin vəziyyəti ayrı ayrı bölümlərdə necədir.   ERP  kompyuterdəki  maliyyə , insan resursları , anbar bölümlərinə aid müstəqil sistemləri aradan götürür və onun yerinə vahid kompyuter proqramını bərqərar edir. Beləliklə maliyyə , anbar və digər bölümlər öz proqramlarına malik olurlar, lakin bu fərqlə ki , həmin proqramlar bir birinə əlaqə  qosunlar. Bu əsasda maliyyə bölümü anbar bölümünə müraciət edərək sifarişin verilməsindən məlumat əldə edə bilər. ERP-nin bir çox proqramları ayrı-ayrılıqda istifadəyə yararlıdır və onu tam şəkildə əldə etmədən də bəzi hissələrindən istifadə etmək olar.  ERP  sisteminə tam halda tərif vermək çətindir. Mütəxəssislər bu sistemə müxtəlif təriflər vermişlər ki, bu təriflər onun ayrı ayrı hissələrini əhatə etmişdir. ERP sisteminin təşkilatın ayrı ayrı bölümlərində özünəməxsusluğu və fəaliyət qabiliyyəti ilə tanışlıq  gələcəkdə bu sistemin tam şəkildə tanınmasına kömək edə bilər. ERP (Enterprise Rsource Planing) proqramlarında bir müəssisənin daxilindəki bütün bölümlər və əməliyyatlar səy edirlər ki, kompyüterin vahid bir sistemində yerləşdirilsinlər. Mxtəlif bölümlər (maliyə , anbar və satış,… ) mümkündür ki, özünəməxsus kompyüter sisteminə malik olsunlar ki onlara məxsus işlər icra edilsin. Amma ERP onların hamısını ayrı ayrı bölümlərdən ibarət bazaya malik vahid bir proqramın daxilində birləşdirir . Bu halda müxtəlif bölümlər informasiyanı müştərək istifadəyə qoyur və bir biri ilə əlaqədə olurlar. Həqiqətdə ERP  informasiya texnologiyasına əsaslanan bir həll sistemidir ki , təşkilatın mənbələrini bir sistem vasitəsilə bir birinə bağlamış olur və yüksək sürət, keyfiyyət və diqqət şəraitində təşkilatın müxtəlif səviyyələrdə olan müdirlərinin nəzarətində qoymuş olur ki , təşkilatın idarəetmə və proramlaşdırma işlərini lazımi şəkildə həyata keçirə bilsinlər. ERP kompyuter proqramı vahid bölümlər məcmuəsindən hazırlanaraq və qabaqcadan proqramlaşdırılaraq təşkilatın bütün bölümlərini əhatə edir. Bu proqramdan  istifadə edərkən onun imkanlarından maksimum  bəhrələnmək üçün onu təşkilatın tələbatı ilə uyğunlaşdırmaq olduqca çətindir. ERP  təşkilat üçün informasiya nöqteyi nəzərindən vahid bir fəaliyyət mühitində və Real – time şəklində çox böyük kömək göstərmiş olur. Bu onu göstərir ki, ERP bir məcmuə və ya bir Suit proqramıdır. İnformasiya texnoloğiyası ədəbiyyatlarında Suit müstəqil, lakin bir birilə əlaqədə olan proqramlar məcmuəsinə deyilir .Bu proqramlar arasında məlumatların sürətli mübadiləsi və oxşar fəaliyyət mühiti bu məcmuənin ən mühüm özünə məxsusluqlarından hesab olunur. Bu məcmuənin proqramlarının hər biri ayrı ayrı məqsədlər üçün proqramlaşdırılmışdır. Lakin bununla belə onların arasında məlumatların mübadiləsi prosesi çox rahatlıqla həyata keçirilir. Zahiri quruluşu və ya User interface onların hamısında bir birinə oxşardır . ERP-lərin belə bir özünəməxsusluğa malikdirlər ki, bir neçə müstəqil proqramdan ibarət lakin bir birilə əlaqədar məcmuədirlər ki, onların arasında məlumat mübadiləsi rahatlıqla həyata keçirilir. ERP üçün göstərilən tərifdə modulların  quruluşundan məqsəd daha çox bir çox bir birindən müstəqil olan müxtəlif proqamların olmasını göstərməkdir. Bu mənada ki, ayrı ayrılıqda müxtəlif proqramların və ya modulların o cümlədən maliyyə , hesabdarlıq , insan rezervləri , əməliyyat və istehsalın nəzarəti , ...proqramlarının ERP məsmuəsinin daxilində olmasına baxmayaraq , ERP bölümlərinin təşkilatda inkişafına mane olmur. Beləliklə ERP məcmuəsi içindən bu məcmuədən tam istifadə etmədən də lazım olan proqramı seçib istifadə etmək olar. Modulların quruluşu belə bir imkanı yaradır ki, müxtəlif modulları müxtəlif təmin edicilərdən hazırlayıb və sonra isə onların məcmuəsini bir birinin yanında yerləşdirmək olar. ERP –lərin istehsalında proqram təmin ediciləri və satıcıları (vendor) tərəfindən standartlara riayət olunması bu işdə müəyyən sadələşdirmələrin yaranmasına səbəb olmuşdur. Hal hazıda elə şirkətlər vardır ki, öz ERP- lərinin  müxtəlif hissələrini hətta 3 və ya 4 –dən daha çox təmin edici vasitəsilə hazırlayıb və sonra isə onları bir birinin yaında yerləşdirirlər. Modulların ERP sistemində vahidliyi müxtəlif mənada ola bilər. Bu vahidlik yeni modulların əlavə edilməsi imkanı nəzərindən , təşkilatın bir hissəsinin lazımı proseslərinin tam şəkildə əhatə edilməsi, bəzi proseslərin təkrar edilməməsi, informasiya nöqteyi nəzərindən vahidllik , bütöv sistemdə bölümlərin təkrar edilməməsi , və s. nöqteyi nəzərindən ola bilər.ERP sistemləri ən yaxşı mövcud proseslər əsasında və ya müxtəlif sənayedə Best Practice əsasında proqramlaşdırıl-mışdır. Bu mənada ERP proqram məcmuəsindəki təşkilatın müəyyən məqsədə doğru səylərinə yardım edən proseslər standart metodlar əsasında proqramlaş-dırılmışdır ki təcrübədə də sübut olunmuşdur ki, bu həmin proses üçün ən yaxşı metoddur.